Training & development

رغم ان اغلب المواقف اللى تمر بيك صعبة و كلها ألم و حزن، رغم ان الوجع بيبقى من أقرب الناس ليك، رغم كل حاجة، كمل طريقك رغم كل الظروف و كل الخيبات و كل الألم و الحزن .. أوعى اليأس يقيدك . أوعى كلام الناس يقتلك . اضحك فى وش كل من قال مش هتوصل و كمل . كل الطرق مفتوحة لك .. حدد هدفك و أسأل نفسك  انت هنا ليه و تقدر تعمل ايه علشان تنقل من خطوة للتانية .. لبكرة اللى بتحلم بيه .. لحلم يسعدك و يسعد غيرك و عايز تحققه . مافيش مخلوق يقدر يعرف قيمتك غير ربنا علشان كدا انت موجود لسبب .. دور عليه لو مش عارفه .. و لما تعرفه اسعى و حارب علشان تحققه . أي كلمة تحبطك و تقلل من قميتك مش مهمة، مش حقيقية .. انت المهم و انت اللى بتصنع نفسك لا أرآء الأخرين .. ما تاخدش  إلا اللى يسندك و يشد أزرك .. ابعد عن كل طاقة سلبية .. مش هيفيدك اللى بياخدك لتحت و ينزل بيك .. مش هيفيدك يأسك مش هيقدم ليك إلى الذل . عيش و حارب علشان تحقق الهدف اللى ربنا خلقك علشانه .. عيش و حارب توصل للقمة و اثبت لكل من خذلك بكلمة محبطة انك الأفضل ووصلت .

فى بعض المجتمعات يحسب أفرادها أعمارهم بعدد تلك الأيام السعيدة التى عاشوها، فيكتب فوق قبرهم عدد الشهور أو السنين السعيدة التى قضوها.  قد تكون مرت برفقة المحب أو برفقة أصدقاء حقيقيون أو قد تكون مرت بأحداث تجلب على قلب صاحبها الفرح . فكرة رائعة تلك فينسى الناس الحزن و الألم و يقرون برغبتهم فى مرافقة تلك الايام السعيدة معهم إلى الأخرة . و على بعض من خُطى هؤلاء البشر أضيف بأنى لا أريد نُكران شىء، هذا قدرى و تلك أيامى، بحلوها و مُرها و لا خجل أو غضب من وجود حزن يظله فرح . أهدى برقية شُكر لكل شىء شارك فى أن أكون هذا الشخص بذلك التكوين النفسى .. كل من ساهم فى لحظة سعادة و كل من اجتهد فى خلق لحظة حزن، فلكل أمر حكمة يعلمها الله، و لاكتساب المعرفة، يجب علينا أن بمر بأوقات قاسية أحياناً و أوقات تثلج قلوبنا أحيان أخرى . كل شىء مررت به ساعدنى لأكون أقوى . لأكون مثابرة و صامدة لأثبت لي أنى أستحق الأفضل من بين الجموع، فلا يأس يخالطنى و لا قنوط يصاحب نفسى . قولى دائماً : نفسى لا تعرف الرثاء .